شـــيخلصك بعـــــد

شيخلصك بعد من يمي وين تروح
لو تبجي مقلم اقبل اعذارك
شفت جتال ابويا وماحجيت وياه
لان اليوم اريد وياك اتعارك
ماكلت لك تعال انت اعتنيت وجيت
وبحلكي وغصب ذبيت جمارك
كافي تخوني وتلبس هدوم الغير
انا البيدي اغسلت وصبغت زنجارك
تحاسبني على ذنبي وانا مؤمن بيك
اذا حجيك صدك حاسبلي كفارك
عنك بالدمع اشكف حجار الغير
خايب ليش تكسر جامي بحجارك
لا تجبرني اكشفك واحجي بين الناس
وابين نقط ضعفك وافضح اسرارك
واكلهم اناني وخاين وبذات
واشوفهم مكان العافه بسمارك
انا اول كصب رادك مناجل بيه
وانا اول خشب يتمنى منشارك
بشجارك بنيت وهذا بوم البين
خايف يبني عشه برهبت اشجارك
حرست فارك مساهر من الف بزون
ليش تخلي عبك يلعب بفارك
هسه وشرد اسولف عني روحي بعيد
بعد مابيه اطيقك واحتمل نارك
مسحتك من دليلي بعشر مساحات
كطعت اذني لجل ما اسمع اخبارك
دور بالكلب من تلكه اسم فرعون
هذاك اليوم يمكن تلكه اثارك
كبل سعرك جبير بكلبي ما ينقاس
وهسه بسوك كلبي انخفظت اسعارك
انهدمت انت بعد ياحكمه تنفع بيك
مواعض دنيتك ما تكفل اعمارك
+++
عشكتك انت دون الناس بذات
لان حبك سكن بالنفس بالذات
لجن وسفه طلعت وياي بذات
وطلع حبك روايه ومسرحيه
.....لاتحرموني من ردودكم الحلوه ياحلوين ...وترقبوا كل ماهو جديد مني... علاوي

شكرأأ حبيبيـ موضوعـ روووعهـ
تسلمـ يا وردهـ

جميل

مشكور حبي سلطان شعر وعه وماكو منه هع

تسلم حبي