هاي عينك صدك لو هيه رسم .......للشاعر سعدون ابو رافد الازيرجاوي

[size=16]انه دخت رايد جواب ................... هاي عينك صدك لو هيه رسم
انته حته الدوخه هم داخت عليك ...............وبيك من حلمت هم داخ الحلم
وانه خايف خاف قلمك هم يدوخ ....... ........ يعني تكتب غلط لو داخ القلم
اكو عدنه هواي سمران الوجوه ................. لجن بس انته سمارك بي طعم
انته نظراتك تشمّر بالسهام .................. وآنه هنيالي لأن طكني سهم
والله لو أصبح رئيس الوزراء........ ........ أحط صورة وجهك بنص العلم
اليكلك مو حلو رب الغباء ......... ......... واليكلك بيك عيب اكبر غبي
انته ربك نصبك رب الجمال........ ......... أذن انه اتنصب بحبك نبي
انته سابيني ولذلك راح اجيك ................ بس احلفنك تكثر بالسبي
انته شكلك اجنبي ومو شغل بيت...... ......... وراح احبر رأيي لك بالأجنبي
يو فري بيوتفل اند كلش رقيق......... ........وانه من شفتك صرت كلش هبي
آنه من شغتك صرت كلش رقيق ..... ....... ومن شفت غيرك صرت رب الحزن
وأبد ماكلك رزن أظلمك حيل ....... .......... لأن كبلك كالو لغيرك رزن
النعرفه من العسل يسحن الروح................ والعسل لو ضاك شفتك ينسحن
آنه وي غيرك اموتن لا محال ........ ......... ومن أشوفك صدّك انه ارجع عدل
وآنه وي غيرك أعيشن ما أريد ........ ........ وآنه أريدك لأن بس بيك انكتل
قبل صح بخير ونعيش بأمان ........ .......... ولأن ماعرفك كمت اكره قبل
عقلي انته ومال اعوفك مستحيل ..... ....... وانته هم شايف بشر عاف العقل
[/size]

حلوة عـــ م ــــوري ... عاشت الايادي

بس اكثر فقرة عجبتي هي

انته نظراتك تشمّر بالسهام .................. وآنه هنيالي لأن طكني سهم
والله لو أصبح رئيس الوزراء........ ........ أحط صورة وجهك بنص العلم

رهيييييييييييييييييبة

منـورة نبـوعتي :)

انته شكلك اجنبي ومو شغل بيت...... ......... وراح احبر رأيي لك بالأجنبي
يو فري بيوتفل اند كلش رقيق......... ........وانه من شفتك صرت كلش هبي

ههههههه حلوه

ثانكس عميش

منـووورة زنبيـش :)

» ألوان العيون وأسرارها .. ماهو لون عينك